VOV4.Êđê- Djŏ tuôm kơ hdră bruă Knơ̆ng kdơ̆ng êa 4.400 êklai prăk Akŏ krông Pač leh êbeh 10 thŭn gun kpăk mâo leh Sang mđung asăp blŭ Việt Nam hưn mthâo hlăm wưng êgao, Phŭn bruă Lŏ hma mđĭ kyar krĭng ƀuôn sang mbĭt hŏng dŭm gưl anôk bruă sang čư̆ êa alŭ wăl čar Dak Lak sĭt êmĭt ngă bruă, truh ară anei dưi msir mghaih leh. Čar Dak Lak ăt mâo hdră kčah mphŭn mbĕ mnuih ƀuôn sang.

Hluê si hdră kčah mâo bi tŭ ư plah wah Anôk kriê dlăng hdră duh bi liê kơ hdră bruă êlan klông lehanăn bruă lŏ hma čar Dak Lak hŏng Anôk kriê dlăng hdră bruă knơ̆ng kdơ̆ng êa mrô 8, Phŭn bruă Lŏ hma mđĭ kyar krĭng ƀuôn sang mbĭt hŏng 2 kdriêk Êa Kar, Mdrak, bruă mbĕ mnuih ƀuôn sang dưi hluê ngă mơ̆ng hruê 12/3. Kơ hdră kluôm, ti hdră bruă knơ̆ng kdơ̆ng êa Akŏ Krông Pač mâo êbeh 700 gŏ êsei mơ̆ng 3 alŭ mâo alŭ 9, 10 lehanăn 11, să Čư̆ San, kdriêk Mdrak brei nao mbĕ đuê̆ mkăp kơ hdră hluê ngă bruă aneu. Ênoh mnuih ƀuôn sang dưi dưi brei nao dôk ti 2 krĭng anôk dôk mrâo hlăm kdriêk Êa Kar./.

Pô mblang:  H’Nê] Ê`uôl