VOV4.Êđê- Čar Dak Lak ară anei mâo êbeh 60 čô dôk bi ktlah hjăn ti dŭm anôk mdrao mgŭn, wăl bi ktlah hjăn sab anôk, êbeh 1.100 čô mnuih bi ktlah hjăn ti sang leh anăn anôk dôk. Čar mâo 26 sang êa drao tu 16 kdriêk, wăl krah, ƀuôn prŏng, 1 boh sang êa drao jing jai pioh mdrao mnuih ruă Covid-19, leh anăn 5 wăl bi ktlah hjăn sa anôk.

Rơ̆ng pui kmlă yua nanao, hơ̆it kjăp kơ hdră gang mkhư̆ klei ruă tưp, Pui kmlă Dak Lak gĭt gai dŭm anôk bruă pral ksiêm dlăng êlan klei pui kmlă leh anăn anôk mđ mtrŭn pui kmlă ti dŭm anôk mdrao mgŭn, wăl bi ktlah hjăn, mdrao klei ruă. Mbĭt anăn, mprăp masin pui kmlă leh anăn mđĭ ktang mnuih gak răng jih hruê mlam ti Sang êa drao hnak ksŏ Dak Lak - anôk mdrao mnuih ruă Coid-19. Êlâo anăn, PC Dak Lak ăt mâo leh hdră mdrơ̆ng hŏng klei ruă tưp ti Anôk bruă gĭt gai bruă pui kmlă čar Dak Lak.

Pô mblang: H’Zawut Ƀuôn Yă