VOV4.Êđê -  Anôk bruă sang čư̆ êa čar Dak Lak mkŏ mjing leh Klei bi kƀĭn ksiêm wĭt hdră mă bruă thŭn 2020, pŏk ngă bruă hlăm thŭn 2021 mơ̆ng Anôk gĭt gai hdră bi kdơ̆ng hŏng phung soh, klei truh jhat mơ̆ng yang ƀuôn lehanăn mkŏ mkra hdră Jih jang mnuih răng mgang klei êđăp ênang mơ̆ng čar. Hluê si klei hưn ti anôk bi kƀĭn, thŭn 2020, bruă răng mgang klei êđăp ênang ti alŭ wăl čar dưi krơ̆ng kjăp. Phung ngă soh hlăm yang ƀuôn hrŏ, klei soh matuĭ dưi hmao ƀuh lu hĭn, klei truh hlăm êlan klông hrŏ jih 3 hnơ̆ng čuăn. Ti anôk bi kƀĭn, anôk bruă sang čư̆ êa čar mtă hlăm wưng ti anăp, dŭm êpul êya anôk bruă, alŭ wăl mđĭ hdră hluê ngă tŭ dưn dŭm asăp mtrŭn, hdră mtrŭn mơ̆ng Đảng, hdră kčah mơ̆ng čar hlăm hdră bi kdơ̆ng hŏng phung ngă soh, klei truh jhat mơ̆ng yang ƀuôn lehanăn mkŏ mkra hdră Jih jang mnuih răng mgang klei êđăp ênang mơ̆ng čar, kƀĭn gĭt gai, pŏk ngă dŭm hdră răng mgang kjăp klei êđăp ênang hlăm gưl ruah pô bi ala Quốc hội gưl 15 lehanăn bi ala HĐND dŭm gưl wưng thŭn 2021-2026./.

H’Nêč pô mblang