VOV4.Êđê - Čar Dak Lak hlăk dôk hlăm wưng adiê bhang thu krô, lu ênhă dliê ti Dak Lak huĭ srăng mâo klei pui ƀơ̆ng dliê. Čiăng mdrơ̆ng hŏng klei pui ƀơ̆ng dliê, dŭm pô dliê lehanăn anôk bruă djŏ tuôm ti čar hlăk dôk pŏk ngă dŭm hdră msir.

Hluê si Mai Văn Kiện – K’iăng khua knơ̆ng bruă ksiêm dlăng dliê kmrơ̆ng čar Dak Lak, kluôm čar mâo hlăm brô 200 êbâo ha dliê hlăm ênoh giăm 500 êbâo ha dliê hlăk dôk hlăm klei hưn răng ti gưl 4, arưp truh ti gưl 5. Adiê mđiă hlơr đăo knăl srăng mâo truh kơ mlan 5, arưp srăng lŏ mâo sui hĭn. Knơ̆ng bruă ksiêm dlăng dliê kmrơ̆ng čar Dak Lak đru kčĕ leh kơ anôk bruă sang čư̆ êa čar ba mtrŭn hdră kčah gang mkhư̆, mdrơ̆ng hŏng klei pui ƀơ̆ng dliê. Gĭt gai dŭm êpul êya, anôk bruă lehanăn pô dliê čuăl krĭng huĭ srăng mâo klei pui ƀơ̆ng dliê ti dŭm kdriêk msĕ si: Ƀuôn Đon, Êa Sup lehanăn Êa H’Leo hŏng ênhă hlăm brô 195 êbâo ha čiăng kƀĭn pŏk ngă dŭm hdră msir gang mkhư̆ huĭ mâo klei pui ƀơ̆ng dliê./.

H’Nêč pô mblang