VOV4.Êđê -  Ti anôk mă bruă hŏng phung khua kiă kriê Êpul group FLC, Anôk kiă kriê bruă Đảng čar Dak Lak tŭ ư leh hŏng hdră mtrŭn duh bi liê Wăl anôk hiu čhưn, hlăp mbul lehanăn tač hlăp gold ênao Êa Ñaih ti să Čuôr Dăng, kdriêk Čư̆ Mgar hŏng ênhă prŏng giăm 200ha. Ti anôk mă bruă, Khua Êpul hgŭm Anôk bruă FLC mñă klă: Hdră bruă Wăl anôk hiu čhưn, hlăp mbul lehanăn tač hlăp gold ênao Êa Ñaih ti să Čuôr Dăng, kdriêk Čư̆ Mgar leh mâo čar Dak Lak tŭ ư hdră mtrŭn duh bi liê, mbĭt hŏng klei gĭr ngă bruă mơ̆ng jih anôk bruă kđi čar; anôk bruă srăng kčưm ngă bruă hlăm mlan 9 thŭn anei, hlăm ênhă 190 ha.

Hlăm wang 1 thŭn srăng mkra tač hlăp golf lehanăn sui êdi 2 thŭn srăng ngă leh jih hdră bruă anei. Khua bruă Đảng čar Dak Lak tŭ ư leh hŏng hdră mtrŭn duh bi liê mơ̆ng êpul group FLC hlăm krĭng ênao Êa Ñaih lehanăn mtă kơ Anôk bruă sang čư̆ êa čar mkŏ mjing Anôk bruă gĭt gai hdră mă bruă lehanăn ruh mtlaih jih klei dleh dlan, gun kpăk kơ Anôk bruă FLC hlăm hdră hluê ngă dŭm mta bruă anăn./.

H Nêč pô mblang