VOV4.Êđê- Tui hluê dhar bruă ruah khua čar Dak Nông, êpul ruah khua ala čar tŭ ư leh srăng brei kơ 12 kđông lĭng kahan knông lăn lehanăn êpul kahan knhăk dôk hriăm mrô 19 nao plĕ hră ruah khua êlâo hĭn sa hruê mkă hŏng hdră êlan mâo leh. Truh kơ ară anei, dŭm anôk bruă ti kđông kahan knông lăn dưi mprăp leh kơ klei ruah khua djŏ hŏng hruê mmông leh anăn klei bhiăn hlăm klei ruah khua. Đại tá Phạm Quý Vỹ, k’iăng khua bruă kđi čar mơ̆ng knơ̆ng bruă gĭt gai lĭng kahan čar Dak Nông brei thâo, hlăm dŭm hruê mmông leh êgao ti knông lăn Việt Nam - Campuchia mâo lu klei dleh ksiêm dlăng kyua klei ruă tưp Covid-19.

Čiăng răng mgang klei êdăp ênang hlăm klei ruăh khua, dŭm êpul lĭng kahan ti knông lăn mâo klei akâo srăng plĕ hră hnưm sa hruê mkă hŏng hdră mâo leh čiăng lŏ wĭt mă 2 bruă sa blư̆ jing răng mgang klei êđăp êang ti knông lăn len anăn gang mkhư̆ klei ruă Covuid-19.

Pô mblang: Y-Khem Niê