VOV4.Êđê -  Hruê 18/5. Knơ̆ng bruă gĭt gai lĭng kahan čar Dak Nông ngă leh bruă kuai leh klang 7 boh msat lĭng kahan êngiă asei ti alŭ 8, să Quảng Tân, kdriêk Tuy Đức, čar Dak Nông. Hlăm 7 boh msat anăn, mâo 3 boh msat adôk klang lehanăn 4 boh msat adôk mă mnơ̆ng yua msĕ si: êjao, dhŏng kŭt, boh nut ao…Tui hluê lĭng kahan hdăp tuôm bi blah ti anôk anei, anei jing dŭm čô êngiă asei mơ̆ng Trung Đoàn 205 lehanăn Trung Đoàn 271 (anôk lĭng kahan krĭng ngŏ hđăp) êngiă asei hlăm wưng thŭn 1973-1974. Anôk ƀuh msat dŭm čô lĭng kahan êngiă asei anei mâo anăn “mbha mkrah” kyua dah čư̆ anei kơ lĭng kahan drei mkrah lehanăn kơ roh mkrah. Ti anôk anei, êlâo dih êpul êya djŏ tuôm ăt ƀuh 20 boh msat lĭng kahan êngiă asei. Ară anei êpul êya djŏ tuôm ăt dôk pŏk lar anôk tui duah.