VOV4.Êđê - Tui hluê knơ̆ng bruă Mặt Trận čar Dak Nông, truh jih hruê 12/4 hlăm dŭm alŭ wăl srăng bi leh bruă mă klei êmuh, klei đăo knang mơ̆ng dŭm čô mplĕ hră hlăm dŭm anôk dôk mơ̆ng pô mgơ̆ng asei ruah pô bi ala Quốc Hội lehanăn HĐND dŭm gưl, wưng thŭn 2021-2026.

Tui hlue klei čih yap mơ̆ng knơ̆ng bruă mặt trận dŭm kriêk, ƀuôn prŏng, 11 čô mgơ̆ng asei hlăm pô bi ala Quốc Hội gưl 15 leh anăn 96 pô mgơ̆ng asei ngă pô bi ala HĐND čar gưl IV leh anăn dŭm čô mgơ̆ng asei ngă pô bi ala HĐND dŭm gưl hlăm wưng thŭn 2021-2026 čar Dak nông dưi mâo leh 100% klei đăo knang mơ̆ng dŭm pô bi ala ti anôk dôk. Dŭm klei hiu mă klei êmuh, klei đăo knang mơ̆ng mnuih nao ruă khua dưi mkŏ mjing hŏng klei klŭk klăk mơak mñai, klă mngač, leh anăn djŏ hdră êlan, djŏ hră bhiăn. Ară anei dŭm kdriêk, ƀuôn hgŭm, să hlăm kluôm čar Dak Nông dôk mkŏ mkra hră anăn, klei čih kơ mnuih mgơ̆ng asei hlăm dŭm anôk bruă leh anăn anôk mplĕ hră.

Y Khem pô mblang