VOV4.Êđê- Dôk ti anăp klei ruă tưp Covid-19 ƀrư̆ hruê brư̆ dleh ksiêm dlăng leh anăn srăng lŏ lar tal 3 ti Campuchia, bruă sang čư êa čar Dak Nông gĭt gai leh anôk bruă gĭt gai lĭng kahan knông lăn leh anăn dŭm êpul êya djŏ tuôm lŏ tui ngă kjăp bruă ksiêm dlăng klei găn knông lăn, gang kơ klei ruă srăng mŭt êlan knông lăn. Phung lĭng kahan knông lăn srăng ngă ngă djăp dŭm bruă ksiêm dlăng ti dŭm băng jang knông lăn, dŭm anôk ksiêm dlăng mnuih kƀiă mŭt, găn knông lăn soh hŏng hdră bhiăn hlăm knông lăn ti alŭ wăl.

Dŭm dưl bruă sang čư̆ êa ti alŭ wăl ăt ksiêm dlăng kjăp dŭm čô mnuih ƀuôn sang nao dôk ti alŭ wăl, anôk bruă gĭt gai bruă gang mkhư̆ klei ruă Covid-19 čar Dak Nông brei thâo, mbĭt hŏng bruă hyuă kjăp dŭm hdră êlan ksiêm dlăng, gang mkhư̆ klei ruă, čar Dak Nông ăt hur har hlăm bruă mprăp mnơ̆ng dhơ̆ng hlăm bruă mdrao mgŭn, čiăng dưi hmao mdrao tơdah mâo klei ruă Covid-19.

                                                    Pô mblang: H’Nêč Êñuôl