VOV4.Êđê-  Knơ̆ng bruă ruah khua čar Dak Nông mâo leh Hră hưn mdah mrô 69 mơĭt kơ Êpul hgŭm ruah khua ala čar kơ bruă mkŏ mjing klei ruah phung bi ala Quốc hội gưl XV leh anăn phung bi ala HĐND dŭm gưl wưng thŭn 2021-2026 hnưm 1 hruê mkă hŏng hdră kčah ti dŭm anôk bruă răng mgang knông lăn. Hluê si Dhar bruă ruah khua čar Dak Nông, wưng êgao ti ktuê êlan knông lăn Việt Nam-Campuchia mâo lu klei dleh ktuê dlăng kơ klei ruă Covid-19. Ară anei knuă druh, lĭng kahan êpul răng mgang knông lăn čar Dak Nông hlăk kƀĭn hluê ngă bruă klam mdua, răng mgang knông lăn êjai leh anăn gang mkhư̆ klei ruă Covid-19 êjai. Mơ̆ng mta 72 Hdră bhiăn ruah phung bi ala Quốc hôị leh anăn HĐND, kñăm răng mgang kjăp ktang klei dưi klei êđăp ênang knông lăn ala čar leh anăn gang mkhư̆ klei ruă Covid-19, Dhar bruă ruah khua čar Dak Nông mtă kơ Êpul hgŭm ruah khua ala čar brei ruah khua hnưm 1 hruê ti 12 kđông kahan răng mgang knông lăn leh anăn Êpul hriăm mjuăt mrô 19 (Anôk bruă êpul kahan răng mgang knông lăn čar).