VOV4.Êđê- Mơ̆ng knhal jih mlan 4 mrâo êgao, Pui kmlă Dak Nông mphŭn ba yua phần mềm hlak mblang hưn răng hnơ̆ng pui kmlă đĭ lu mơ̆ng klei mkă mơ̆ng kbưi. Knŏng leh mkrah mlan hluê ngă, anôk bruă ƀuh leh êbeh 1 êtuh cô mâo hnơ̆ng yua pui kmlă grăp hruê đĭ lu hĭn 10 blư̆ mkă hŏng yang đar.

Gŏ sang Điểu San ti ƀon BuNong, să Dak Buk So, kdriêk Tuy Đức mni lač jăk kơ phung mkra mjing pui kmlă hriê msir mgaih êlan klei pui kmlă ti sang pô

Knuă druh bruă pui kmlă pral bi blŭ hrăm leh anăn nao truh ti sang phung anei  đru ksiêm dlăng bruă ba yua pui kmlă ti tluôn môtơr pui.  Klei ksiêm dlăng mâo lu phung tuê mâo klei amâo jăk jlăm kdrăp, pui kmlă êran êmưt. Knuă druh mkra mjing hmao đru kơ mnuih ƀuôn sang msir mgaih klei mâo, rơ̆ng ba yua pui kmlă êđăp ênang.

Hdră phần mềm hlak mblang hưn răng hnơ̆ng yua pui kmlă đĭ lu mkă hŏng mmông yua sĭt mkă mơ̆ng kbưi

Dưi thâo Dak Nông ară anei mkŏ dăp leh giăm 100% môtơr pui điện tử kơ phung blei yua pui kmlă. Bruă ba yua kdrăp mrâo mrang “Hưn răng hnơ̆ng pui kmlă đĭ lu hlăm wưng yua sĭt” đru leh lu hlăm bryă mđĭ hnơ̆ng jăk hdră bruă, hnơ̆ng jăk pui kmlă kơ mnuih ƀuôn sang.

Pô mblang: H’Zawut Ƀuôn Yă