VOV4.Êđê -7.  Hruê 6/4, Anôk bruă ruah khua čar Dak Nông mkŏ mjing klei bi kƀĭn trực tuyến hriăm mjuăt dŭm mta phŭn kơ bruă ruah phung bi ala Quốc hội gưl XV leh anăn phung bi ala HĐND dŭm gưl, wưng thŭn 2021-2026. Hlăm wưng êgao, Bruă Đảng čar, Anôk bruă gĭt gai klei ruah khua čar Dak Nông, HĐND, Knơ̆ng bruă sang čư̆ êa, Knơ̆ng bruă mặt trận čar kwar leh anăn anôk bruă ruah khua čar mđing dlăng gĭt gai, mkŏ mjing dŭm mta phŭn mprăp ruah khua.

Truh ară anei, čar klă klơ̆ng ngă leh jăk dŭm bruă mprăp ruah khua, rơ̆ng ngă djŏ hdră bhiăn, ktrâo lač gĭt gai mơ̆ng gưl dlông leh anăn djŏ guôp hŏng boh sĭt ti alŭ wăl. Dŭm klei dleh dlan, gun kpăk kơ bruă mprăp ruah khua klă klơ̆ng mâo dŭm anôk bruă gưl dlông, alŭ wăl ktrâo lač, msir mgaih. Trần Xuân Hải- K’iăng Khua Knơ̆ng bruă sang čư̆ êa čar, K’iăng Khua Anôk bruă ruah khua čar mtă kơ phung bi ala nao hlăm klei bi kƀĭn hmao kčĕ kơ dŭm gưl bruă Đảng, bruă sang čư̆ êa dŭm gưl leh anăn ktrâo lač dŭm êpul klam bruă ruah khua ngă djŏ hdră bhiăn.

H Zawut pô mblang