VOV4.Êđê- Hruê 4/5, bruă sang čư̆ êa čar Dak Nông mâo leh hră mtrŭn brei mdei dŭm bruă ngă mâo lu mnuih lehanăn tui ngă dŭm hdră êlan čiăng gang mkhư̆ klei ruă tưp Covid-19. Tui hluê anăn, mơ̆ng mmăt hruê 4/5, dŭm bruă amâo jăk čiăng msĕ si bar, karaoke, anôk kdŏ mmuñ, anôk hlăp điện tử mâo klei arưp srăng bi lar kman klei ruă tưp Covid-19 hlăm čar srăng brei klei mdei. Bruă sang čư̆ êa čar mâo klei mtă kơ dư̆m knơ̆ng, dhar, alŭ wăl amâo mkŏ mkra dŭm bruă ngă mâo lu mnuih, tui ngă djŏ dŭm hdră êlan gang mkhư̆ klei ruă tưp Covid-19. Ară anei čar Dak Nông ka mâo ôh mnuih mâo klei ruă tưp Covid-19, dưi ksiêm dlăng jăk klei ruă tưp Covid-19 hlăm čar. Tĭng truh hruê 3/5, kluôm čar mâo klei bi ktlah 31 čô mnuih, ti Mondulkiri (Campuchia) mâo knông lăn mbĭt hŏng čar Dak Nông mâo leh klei čih yap mâo 3 čô mnuih mâo klei ruă hlăm yang ƀuôn, kyuanăn klei arưp mâo klei ruă mŭt êlan ƀăng jang knông lăn jing dlông êdi.

Pô mblang: Y-Khem Niê