VOV4.Êđê - Hruê 19-3, ti ƀuôn prŏng Gia Nghiã, Knơ̆ng bruă sang čư̆ êa čar Dak Nông bi hgŭm hŏng bruă êdam êra čar mkŏ mjing Knăm mđing truh kơ Hdră pla sa êklai phŭn ana kyâo. Hŏng akŏ “ Kyua sa Việt Nam mtah” hdră iêu jak êbeh 200 čô knuă druh, phung mă bruă knŭk kna, êdam êra leh anăn mnuih ƀuôn sang ti ƀuôn prŏng Gia Nghĩa.

Leh knăm pŏk ngă, êbeh 3 êtuh phŭn ana êgiêr jŭ mâo jih jang mđrăm mbĭt pla ti dŭm ktuê êlan hlăm wăl anôk dôk mrâo Dak Nur B, ƀuôn hgŭm Nghĩa Trung, ƀuôn prŏng Gia Nghĩa. Lê Trọng Yên,  K’iăng Khua Knơ̆ng bruă Sang čư̆ êa čar Dak Nông brei thâo, hdră pla ana kyâo mơ̆ng čar srăng lŏ dơ̆ng dưi mđĭ ktang, iêu jak lu êpul yang ƀuôn nao hgŭm.

H’Zawut pô mblang