VOV4.Êđê -Truh kơ ară anei, dŭm alŭ wăl ti čar Dak Nông dưi mŏ mjing leh 680 êpul mplĕ hră ruah pô bi ala Quốc Hội gưl 15 leh anăn HĐND dŭm gưl, wưng thŭn 2021-2026, djŏ hruê mmông čuăn leh, tui hlue Knơ̆ng bruă mplĕ hră ruah khua čar Dak Nông, mâo leh bruă mă čiăng mprăp kơ dŭm hruê mplĕ hră ruah khua. Ară anei bruă sang čư̆ êa dŭm kdriêk, ƀuôn prŏng, să, ƀuôn hgŭm, wăl krah dưi mkŏ mjing truh 680 êpul mplĕ hră ruah khua hlăm dŭm alŭ wăl. Hlăm anăn, mâo 21 êpul jing dŭm anôk ti knông lăn, êpul kahan ksiêm, knŏng bruă gĭt gai lĭng kahan, anôk bruă mkhư̆ mdrao klei ră rañ. Hlăm sa êpul srăng mâo hlăm ƀrô 11-21 čô mnuih, hlăm anăn mâo khua êpul, pô čih hră leh anăn dŭm čô khua êmua bi ala kơ knŭk kna, êpul bruă kđi čar, êpul êya hlăm yang ƀuôn, êpul êya bruă kđi čar - yang buôn leh anăn pô bi ala ti alŭ wăl. Dhar bruă mplĕ hră ruah khua mâo klei akâo kơ êpul hgŭm bruă mplĕ hră ruah khua ala čar srăng mâo klei brei 13 êpul mplĕ hră ti 12 kđông kahan knông lăn leh anăn 1 êpul kahan srăng ngă klei mplĕ hră hnưn hĭn sa hruê čiăng lŏ nao ngă bruă klam.

Y Khem pô mblang