VOV4.Êđê - Hruê mbruê 18-3, hlăm Klei bi kƀĭn ksiêm wĭt, HĐND čar Dak Nông brei leh klei blŭ mguôp leh anăn bi mklă 9 klei hưn mdah bruă yuôm bhăn. Hlăm anăn, mâo Hdră mtrŭn kơ bruă mkŏ mjing Adŭ bruă Êpul bi ala Quốc hôị leh anăn HĐND čar Dak Nông mơ̆ng tur knơ̆ng bi mguôp 2 anôk bruă Adŭ bruă Êpul bi ala Quốc hôị leh anăn Adŭ bruă HĐND čar.

Hlăm klei bi kƀĭn, phung bi ala bi mklă hră hưn mdah mơ̆ng Knơ̆ng bruă sang čư̆ êa čar kơ bruă brei mdei bruă 2 čô hlăm Knơ̆ng bruă Sang čư êa čar hŏng Nguyễn Tấn Bi, Khua knơ̆ng bruă ngăn prăk leh anăn Trần Văn Nam, Khua knơ̆ng bruă hâo hưn leh anăn mtô mblang bi mlih anôk mă bruă. Mbĭt anăn mă hră mplĕ ruah mbŏ 2 čô hlăm Knơ̆ng bruă sang čư̆ êa čar hŏng Hoàng Văn Thuần, Khua Knơ̆ng bruă ngăn prăk leh anăn Nguyễn Văn Hiệp, Khua Knơ̆ng bruă ngăn dŏ wăl hdĭp mda.

H’Zawut pô mblang