VOV4.Êđê- Aguah mbruê 17-3, Knơ̆ng bruă mặt trận čar Dak Nông mkŏ mjing Klei bi kƀĭn trông čhal tal 2 čiăng bi trông čih anăn tal êlâo phung mgơ̆ng asei phung bi ala Quốc hội gưl XV leh anăn HĐND wưng thŭn 2021-2026. Hlăm klei bi kƀĭn trông čhai tal 2, phung bi ala bi trông kơ anăn, hră mơar hâo hưn kơ phung mgơ̆ng asei leh anăn čŏng mgơ̆ng asei phung bi ala Quốc hôị gưl XV leh anăn phung bi ala HĐND wưng thŭn 2021-2026, klei bi kƀĭn bi tŭ ư čih anăn tal êlâo 96 čô mgơ̆ng asei (21 čô mnuih djuê ƀiă, 3 djuê ana, 10 čô amâo jing Đảng viên, 36 cô jing phung mda asei, 31 čô lŏ djŏ ruah). 

Hlăm klei bi kƀĭn mơ̆ng Knơ̆ng bruă mặt trận čar Dak Nông ăt ktrâo lač Klei bi kƀĭn bi tuôm hŏng phung bi ala kơ mnuih ƀuôn sang ti anôk dôk hŏng phung mgơ̆ng asei phung bi ala Quốc hôị leh anăn phung bi ala HĐND čar, wưng thŭn 2021-2026. Hluê si hdră kčah, bruă mkŏ mjing srăng dưi hluê ngă mơ̆ng hruê 21/3 truh hruê 13/4 kơ anăp.

Pô mblang: H’Zawut Ƀuôn Yă