VOV4.Êđê- Aguah hruê 16/4, Knơ̆ng bruă mặt trận čar kwar Dak Nông mkŏ mjing klei bi kƀĭn bi trông tal 3 čiăng ruah, čih anăn phung djăp hnơ̆ng čuăn mgơ̆ng asei phung bi ala Quốc hội gưl XV leh anăn phung bi ala HĐND čar Dak Nông gưl IV, wưng thŭn 2021-2026. Leh bi trông, jih jang phung bi ala tŭ ư čih anăn phung djăp hnơ̆ng čuăn mâo 10 čô mnuih (hlăm anăn gưl dlông hưn mthâo 2 čô mnuih, alŭ wăl hưn mthâo 8 čô) leh anăn bi tŭ ư brei 3 čô mgơ̆ng asei mâo hră akâo kbiă amâo nao mgơ̆ng ruah khua bi ala Quốc hội gưl XV.

Mbĭt anăn, Klei bi kƀĭn ăt čih anăn 88 čô mnuih djăp hnơ̆ng čuăn mgơ̆ng asei phung bi ala HĐND čar Dak Nông, wưng 2021-2026. Hlăm anăn, ênoh phung bi ala mniê mâo 38 čô mnuih, phung bi ala mnuih djuê ƀiă 20 čô, phung bi ala mda asei 31 čô, amâo jing Đảng viên 9 čô leh anăn ênoh phung lŏ djŏ ruah 21 čô.

Pô mblang: H’Zawut Ƀuôn Yă