VOV4.Êđê - Hruê 5/5, dŭm anôk bruă ruah khua hlăm alŭ wăl čar Dak Nông ngă leh klei kƀĭn trông čiăng bi tuôm phung mplĕ hră hŏng dŭm čô mgơ̆ng asei ngă pô bi ala Quốc Hội gưl 15 lehanăn HĐND čar wưng thŭn 2021-2026. Tui hluê klei bi êdah hră anăn klă klơ̆ng, čar Dak Nông mâo 10 čô mgơ̆ng asei ngă pô bi ala Quốc Hội gưl 15 (hlăm anăn mâo dua čô mâo klei hưn mdah mơ̆ng gưl dlông) dưi bi mbha, mtrŭt mjhar bruă ruah khua ti 2 anôk ruah khua. Mâo 88 čô mgơ̆ng asei ngă pô bi ala HĐND čar wưng thŭn 2021-2026 dưi bi mbha lehanăn nao mtrŭt mjhar bruă ruah khua hlăm 14 anôk ruah khua. Dŭm klei kƀĭn trông bi tuôm phung mplĕ hră hŏng dŭm čô mgơ̆ng asei ngă pô bi ala Quốc Hội gưl 15 lehanăn HĐND dŭm gưl hlăm alŭ wăl čar wưng thŭn 2021-2026 srăng dưi mkŏ mjing mơ̆ng hruê 5/5 truh kơ hruê 12/05/2021.

Y Khem pô mblang