VOV4.Êđê- Čiăng răng mgang klei êđăp êang kđi čar, lehanăn klei êđăp êang hlăm yang ƀuôn hlăm wưng ruah pô bi ala Quốc Hội gưl 15 lehanăn HĐND dŭm gưl wưng thŭn 2021-2026. Êpul kahan ksiêm čar Dak Nông mkŏ mjing leh hdră êlan čiăng răng mgang klei êđăp ênang. Tui hluê anăn êpul kahan ksiêm čar Dak Nông srăng mđĭ ênoh kahan ksiêm tiŏ nao ti dŭm anôk bruă čiăng hmar thâo klei mrâo ti năn lehanăn mkŏ mjing dŭm hdră êlan čiăng hâo hư, mtrŭt mjhar mnuih ƀuôn sang nao hlăm bruăm plĕ hră, tui ngă jŏ dŭm hdră êlan mơ̆ng Đảng lehanăn knŭk kna, hur har hlăm bruă nao ruah khua, hmao ƀuh lehanăn bi kdơ̆ng hŏng dŭm phung nga roh čiăng bi rai klei ruah pô bi ala Quốc Hội gưl 15 lehanăn HĐND dŭm gưl.

Êpul kahan ksiêm hlăm alŭ wăl ăt dưi mâo leh dŭm klei nao mă dŭm čô ngă soh jhat, soh hŏng bruă duh mkra, ma tuĭ, mđĭ bruă ksiêm dlăng klei êđăp ênang hlăm yang buôn, mâo klei nao ksiêm dlăng ênoh mnuih lehanăn bruă kơ mnuih dôk jưh hlăm alŭ wăl.

Pô mblang: Y-Khem Niê