VOV4.Êđê -  Knăm pŏk ngă “Hrăm mbĭt hŏng phung mniê krĭng knông lăn” wưng thŭn 2021-2025 mâo Êpul hgŭm phung mniê čar Dak Nông leh anăn Anôk bruă gĭt gai lĭng kahan răng mgang knông lăc čar bi hgŭm mkŏ mjing hlăm aguah 31/3, ti să Thuận Hạnh, kdriêk Dak Song. Hluê ngă Hdră anei hlăm wưng 2018-2020, Êpul hgŭm phung mniê čar leh anăn Anôk bruă gĭt gai lĭng kahan răng mgang knông lăn čar pŏk ngă lu bruă kriê dlăng klei suaih pral, klei êđăp ênang ala ƀuôn, đru msir klei ư̆ êpa bi hrŏ klei ƀun knap, mđĭ kyar bruă duh mkra kơ phung mniê djuê ƀiă krĭng knông lăn. Dŭm anôk bruă bi hgŭm mkŏ mjing 30 hruê hâo hưn mtô mblang hdră bhiăn, đru leh anăn hluê ngă hdră “Đru phung hđeh nao sang hră”… Blŭ hrăm hlăm anôk bi kƀĭn, aduôn H’Wi Êban, Khua Êpul hgŭm phung mniê čar Dak Nông iêu mthưr phung knuă druh, lĭng kahan, phung mniê lŏ dơ̆ng mđĭ lar leh anăn mkŏ mjing dŭm gru hmô duh ƀơ̆ng hơ̆it kjăp kơ phung mniê ƀun ti dŭm să knông lăn.

H Zawut pô mblang