VOV4.Êđê - Hluê si Anôk bruă ruah khua čar Dak Nông, ênoh phung bi ala Hội đồng ngân dân kdriêk, ƀuôn prŏng wưng thŭn 2021 – 2026, pia klah čŭn jing gưl kdriêk mâo ruah truh 287 čô. Truh ară anei, anôk bruă mặt trận gưl kdriêk bi hgŭm leh hŏng anôk bruă djŏ tuôm mkŏ mjing leh Klei bi kƀĭn tal sa čiăng bi mklă kơ ênoh mnuih dưi hưn mthâo mgơ̆ng ruah ngă pô bi ala Hội đồng nhân dân gưl kdriêk. Hluê anăn, ênoh mnuih mâo hưn mthâo leh Klei bi kƀĭn tal sa mâo 550 cô mnuih. Kluôm čar mâo 77 êpul êya ruah Hội đồng nhân dân gưl kdriêk. Anôk bruă ksiêm dlăng bruă knuă hlăm ala čar ktrâo lač leh bruă ngă hră m’ar, ba m’ĭt hră m’ar pô mgơ̆ng ruah ngă pô bi ala Hội đồng nhân dân gưl kdriêk. Anôk bruă hluê ngă hdră bhiăn, Anôk bruă mặt trận čar kwar Việt Nam ktrâo lač dŭm hdră klă klơ̆ng hlăm bruă hưn mthâo pô mgơ̆ng ruah ngă pô bi ala Hội đồng nhân dân gưl kdriêk truh kơ dŭm êpul êya, anôk bruă./.

H Nêč pô mblang