VOV4.Êđê- Leh ksiêm dlăng hră mdah mơ̆ng Dhar bruă klei ruah khua čar Daklak, Êpul hgŭm kiă kriê klei ruah khua ala čar tŭ ư leh brei mkŏ mjing 14 anôk ruah khua hnưm jing ti hrue 22/5, mâo: 7 boh kđông kahan răng mgang knông lăn, Êpul bruă lĭng kahan duh mkra mrô 737, Êpul kahan mjuăt bi hriăm knhăk mrô 19, êpul kahan mrô 303 hlăm trung đoàn 584, anôk bruă kiă kriê kahan kdriêk Êa Sup lehanăn Đại đội kahan jơ̆ng hlăm alŭ wăl mplĕ hră mrô 9 să Čư̆ Mlêñ, kdriêk Êa Sup, kahan ksiêm kdriêk Êa Sup, lehanăn anôk bruă kahan ksiêm čar Daklak, Dhar bruă kiă kriê klei ruah khua djăp gưl mđĭ hĭn leh bruă hâo hưn kơ hrue ruah khua hnưm, bi leh klei dăp bruă, mprăp kơ jih jang klei ruah khua čiăng dưi mâo ruah djŏ hrue kčah, lehanăn djŏ hŏng klei bhiăn ruah khua.

Daklak mâo 73km knông lăn knông hŏng ala čar Campuchia. Kñăm mâo răng kriê kjăp klei êđăp ênang kơ klei ruah khua, êpul kahan răng mgang knông lăn, kahan ksiêm akâo mkŏ mjing klei ruah khua hnưm pioh bi leh bruă čuan mdua răng mgang klei êđăp ênang knông lăn êjai lehanăn gang mkhư̆ klei ruă tưp covid 19./.

Pô mblang: Y-Khem Niê