VOV4.Êđê - Ti anăp klei ruă tưp hlăk dleh dưi ksiêm dlăng, knơ̆ng bruă sang čư̆ êa čar Daklak mâo leh hră mtrŭn kơ bruă hlue ngă djăp hdră mdrơ̆ng hŏng klei ruă tưp hlăm čar leh mâo mnuih tưp djŏ klei ruă covid 19.

Hluê anăn, čar Daklak mtă leh kơ khua knơ̆ng bruă sang čư̆ êa dŭm kdriêk, să čŏng bi mguôp hŏng dŭm êpul bruă djŏ tuôm ba yua djăp hdră mdrơ̆ng hŏng klei ruă tưp dơ̆ng mơ̆ng 0 h krah mlam hrue 10/5/2021 hlŏng truh kơ êla mâo asăp mtă mrâo. Msĕ si, mdei jih jang klei bi kƀĭn, jih jang bruă mâo lu mnuih mơ̆ng 30 čô kơ dlông dôk hlăm sa boh adŭ, bi hrŏ klei dôk bi ngi lu mnuih êngao kơ sang hră, anôk bruă, sang êa drao, mdei jih jang bruă mâo lu mnuih mơ̆ng 30 čô mnuih kơ dlông msĕ si sang kkuh mpŭ, klei đăo, anôk ngă yang, hlue gưt bi sĭt klei truă čhiăm guôm ƀô̆, mdjiê kman, hlue gưt 5 mta klei mtă mơ̆ng phŭn bruă mdrao mgŭn./.

Y Khem pô mblang