VOV4.Êđê- Tui si klei gĭt gai mơ̆ng phŭn bruă kahan ksiêm kơ bruă mkăp lehanăn kiă kriê kak asei, kahan ksiêm čar Daklak hlăk gĭr jih ai tiê, tiŏ nao lu knuă druh kahan ksiêm mđĭ mmông mă bruă truh 19h tlam/hrue čiăng kăp tŭ mă hră mơar ngă kak asei mâo chip điện tử kơ phung ƀuôn sang hŏng klei jăk, lehanăn djŏ hdră kčah. Anôk nga bruă hră mơar čar Daklak jing leh sa hlăm 18 anôk ngă bruă anei hlăm kluôm čar. Hŏng 3 êpul ngă bruă, mbha hlăm 3 mmông, aguah, tlam, mlam mơ̆ng 7h aguah truh 9h mlam, grăp hrue tŭ mă hlăm brô 600 pŏk hră mơar mơ̆ng phung ƀuôn sang nao ngă kak asei.

Wưng mă bruă lŏ mđĭ mmông truh 15 mmông/hrue hrô kơ 8h msĕ si êlâo, čiăng dưi đru kơ jih jang mnuih nao ngă kak asei. Truh ti wưng anei, kahan ksiêm čar mâo tŭ mă leh truh 70 êbâo pŏk hră mơĭt truh kơ phŭnbruă kahan ksiêm mghaih mkra klei bi mlih kak asei. Tui si hdră truh hrue 30/6 kahan ksiêm čar Daklak bi leh giăm 1 êklăk 200 êbâo pŏk kak asei tui si ênoh čuăn ƀiă êdi jing 70% tui si ênoh mơ̆ng phŭn bruă jao./.

Pô mblang: Y-Khem Niê