VOV4.Êđê - Ti anăp klei ruă tưp dleh dưi ksiêm dlăng, knơ̆ng bruă sang hră mơar čar Daklak mâo leh hră mtrŭn bi leh bruă ksiêm dlăng, klei bi hriăm jih gưl tal dua lehanăn jih thŭn hriăm, bi mlih hdră mtô bi hriăm pioh gang mkhư̆ klei ruă tưp covid 19 hlăm čar. Mơ̆ng anăn knơ̆ng bruă sang hră mơar čar Daklak mtă kơ khua kiă kriê dŭm boh sang hră ngă bi pral klei ksiêm dlăng jih gưl hriăm tal dua, lehanăn jih thŭn hriăm 2020 – 2021 kơ hđeh hriăm hră, čiăng kơ jih hrue 13/5 mgi bi leh ênŭm. Leh jih hdră mtô bi hriăm, dŭm boh sang hră mâo mă leh hră mơar mơ̆ng phŭn bruă sang hră hlue ngă bi kjăp djăp hră mtrŭn, bi leh thŭn hriăm djŏ hŏng hdră mtrŭn, tui si jar kruak leh tkơ thŭn hriăm 2020 – 2021 mâo knơ̆ng bruă sang čư êa čar mtrŭn./.

Y Khem pô mblang