VOV4.Êđê-  Hŏng mta kñăm rơ̆ng dưi mâo klei êđăp ênang sĭt kơ bruă ruah khua, êpul kahan ksiêm čar Daklak hlăk ngă djăp hdră čiăng dưi mâo klei êđăp ênang kơ klei ruah khua phung bi ala Quốc hội gưl 15, lehanăn phung bi ala HĐND djăp gưl wưng păn bruă 2021 – 2026. Tui si Đại tá Lê Vinh Quy, khua knơ̆ng bruă kahan ksiêm čar Daklak, êpul kahan ksiêm čar lŏ dơ̆ng hlăm gưl kih mdoh, tiŏ mă phung ngă soh, dŭm klei ngă soh hŏng hdră bhiăn, bi rai jih djăp anôk mâo klei amâo mâo êđăp ênang, kñăm dưi mâo klei êđăp ênang hlăm klei ruah khua phung bi ala Quốc hội lehanăn HĐND djăp gưl wưng thŭn 2021 – 2026.

jih jang djăp êpul êya kahan ksiêm mkŏ mjing hdră tiŏ nao ngă bruă ti dŭm alŭ wăl knơ̆ng. Mâo kahan ksiêm elan klông, kahan ksiêm mjêč pral, kahan ksiêm 113 păn kjăp alŭ wăl, hiu suang, răng mgang klei êđăp ênang yang ƀuôn, klei êđăp ênang êlan klông, klei êđăp ênang hlăm dŭm anôk mkŏ mjing klei ruah khua./.