VOV4.Êđê- Tui si hdră, thŭn 2021, čar Daknông duh bi liê 172 êklai prăk pioh rŭ mdơ̆ng lehanăn mkra mđĭ êlan klei pui kmlă kơ phung ƀuôn sang, hlăm anăn mâo truh 24 mta bruă ngă mơ̆ng thŭn dih, 35 mta bruă mrâo.

Truh jih mlan 4, knơ̆ng bruă pui kmlă Daknông bi liê leh êbeh 14 êklai prăk. Kñăm mâo ngă bruă hŏng klei pral, knơ̆ng bruă mtă leh kơ jih jang êpul êya ngă bruă kăp kčĕ lehanăn nao mkă dlăng, bi kjăp hdră ngă bruă, mkă tĭng bruă lŏ bi mlih, tĭng kơ ênoh bi liê huĭdah lŏ mâo.

Ti dŭm anôk ngă bruă, ngă bruă hlăm klei ksiêm dlăng kjăp boh tŭ bruă knuă. Mkŏ mjing hdră ngă bruă djŏ hdră, pral mâo ba yua pui kmlă, ba wĭt klei tŭ dưn prŏng đru mđĭ kyar bruă duh mkra, bi hơĭt klei hdĭp phung ƀuôn sang čar Daknông./.

Pô mblang: Y-Khem Niê