VOV4.Êđê-  Hrue 19/4,khua knơ̆ng bruă sang čư̆ êa čar Daknông mâo leh asăp mtrŭn hyua kjăp bruă kiă kriê, răng mgang dliê. Mơ̆ng anăn knơ̆ng bruă lŏ hma, gĭt gai leh Anôk bru kiă kriê dliê kyâo ngă bi kjăp bruă bruă rah răng dliê hrue lehanăn mlam, boh nik êjai halwm yan bhang không, hlăm knăm mdei msăn, tiŏ nao jih jang êpul lehanăn kdrăp mnơ̆ng yua kăp mdrơ̆ng, lehanăn mghaih msir huĭdah mâo klei pui ƀơ̆ng dliê. ksiêm dlăng nanao klei đăo knăl hưn brei răng kơ klei pui ƀơ̆ng dliê hŏng dŭm hdră kăp hâo hưn, mơ̆ng dhar bruă bi ksiêm dlăng, pral thâo ƀuh, mghaih msir klei pui ƀơ̆ng dliê. Phung hiu suang răng pral gang mkhư̆ hmao ƀuh djăp mta klei ngă soh ua druôm kyâo mơ̆ng nah gŭ mtam, gang mkhư̆ mghaih msir bi pral, mkŏ mjing bi hgŭm lu êpul bruă, mkŏ mjing anôk gak răng, tiŏ mă phung ngă soh, ngă nanao hlăm djăp alŭ wăl mâo dliê kyâo./.

Pô mblang: Y-Khem Niê