VOV4.Êđê - Ngă djăp hdră grăp boh să 1 mta mnơ̆ng OCOP, truh kơ ară anei čar Daknông mâo leh 36 mta mnơ̆ng mơ̆ng bruă lŏ hma mâo tŭ yap OCOP mơ̆ng 3 – 4 mtŭ. Msĕ si, čar Daknông mâo mkŏ mjing leh 2 gưl găp OCOP dŭm boh mnga bruă lŏ hma. Gưl 1, mâo 22 mta mnơ̆ng mâo dăp. Gưl 2 mâo 14 mta mnơ̆ng mâo dăp. Jih jang mnơ̆ng mâo knơ̆ng bruă sang čư̆ êa čar mkăp hră tŭ yap OCOP mâo ba yua anăn knăl, lehanăn dŭm mta mtŭ pioh bi lar, mƀlir hlăm kdô hruh. Anei jing sa knhuang yuôm bhăn, đru mnơ̆ng dưi mâo hnơ̆ng jăk, mâo rup bi lar tŭ, hŏng hruh siam, lehanăn mâo klei dưi bi ktưn hlăm anôk mnia mblei. Bruă dăp ênoh OCOP dưi đru mđĭ klei tŭ dưn mnơ̆ng alŭ wăl pô bi mnia mblei, mtrŭt mđĭ hdră ngă bruă mơ̆ng phŭn hlŏng kơ êdŭk./.

Y-Khem pô mblang