VOV4.Êđê - Tui si dhar bruă ruah khua čar Daknông,truh kơ ară anei kluôm čar mâo leh 42 čô mnuih ngă hră mơar akâo mgơ̆ng ruah pô bi ala Hội đồng nhân dân čar wưng thŭn 2021 – 2026 lehanăn ka mâo ôh mnuih akâo mgơ̆ng ruah pô bi ala quốc hội gưl 15. Čiăng bi hmao mmông tŭ mă hră mơar mnuih mgơ̆ng ruah pô bi ala Quốc hội gưl 15, lehanăn phung bi ala Hội đồng nhân dân čar, knơ̆ng bruă sang čư̆ êa čar mtă leh kơ dŭm dhar bruă djŏ tuôm mâo mnuih čiăng mgơ̆ng ruah ngă hră mơar djŏ hŏng hdră mtrŭn. Hŏng bruă ruah phung bi ala HĐND gưl kdriêk mâo 77 anôk ruah khua, hlăm anăn ênoh jih jang phung bi ala HĐND kdriêk, ƀuôn prŏng wưng păn bruă 2021 – 2026 mâo ruah jing 287 čô mnuih./.

Y Khem pô mblang