VOV4.Êđê - Tlam hruê 13/6 mbruê, Knơ\ng brua\ sang ]ư\ êa ]ar Daknông mko\ mjing klei bi k[^n Êpul kia\ kriê keh “Hdơr knga tla ai”. Hla\m wưng leh êgao, djăp êpul brua\, phung duh mkra, lehana\n mnuih, wa\t phung thâo bi đru hlăm ]ar, lehana\n êngao ]ar Daknông sa ai hla\m brua\ bi ]u\ng kơ keh.

 5 thu\n êgao, keh mâo iêu mguôp leh êbeh 12 êklai pra\k lehana\n mâo kia\ kriê ba yua ho\ng klei tu\ dưn, đru leh kơ du\m go\ êsei knu\k kna dlăng ba, mnuih mâo brua\ tu\ dưn ho\ng cách mạng, dưi mâo hnơ\ng hd^p kdlưn h^n amâodah bi knar ho\ng hnơ\ng man dưn hlăm alu\ wa\l.

Êpul kia\ kriê keh “Hdơr knga tla ai” bi tu\ ư leh hdră iêu bi ]u\ng prăk pioh mdơ\ng sang hdơr knga tla ai, lehana\n đru prăk hriăm hra\ m’ar kơ anak aneh mnuih mâo brua\ tu\ dưn hlăm Mlam mdah klei kdo\ mu` hdơr knga 70 thu\n Hruê phung kahan êka êkeh – phung êngia\ asei bi mko\ mjing hlăm mlan 7 kơ ana\p./.

Y’Khem pô c\ih hlo\ng ra\k.