VOV4.Êđê -  Êpul ksiêm dlăng mơ̆ng Dhar bruă gĭt gai Quốc hội, Êpul hgŭm ruah khua ala čar mâo Đại tướng Tô Lâm, Khua hlăm Phŭn bruă kđi čar, Khua phŭn bruă kahan ksiêm, Khua hlăm Êpul hgŭm ruah khua ala čar ngă Khua êpul nao ksiêm dlăng leh hdră ruah Pô bi ala Quốc hội gưl 15 lehanăn bi ala Hội đồng Nhân dân dŭm gưl ti ƀuôn prŏng Đà Nẵng. Hluê ngă Hdră mtrŭn mrô 119 mơ̆ng Quốc hội kơ bruă lông mkŏ mjing gru hmô bruă knŭk kna ƀuôn prŏng lehanăn dŭm klei bhiăn, hdră mtrŭn mđĭ kyar ƀuôn prŏng Đà Nẵng, wưng thŭn anei ƀuôn prŏng Đà Nẵng amâo mkŏ mjing ôh hdră ruah pô bi ala HĐND gưl alŭ, ƀuôn prŏng, knŏng ruah pô bi ala Quốc hội lehanăn HĐND ƀuôn prŏng, kdriêk Hoà Vang mbĭt hŏng 11 să mơ̆ng kdriêk Hoà Vang.

Đại tướng Tô Lâm, Khua hlăm Phŭn bruă kđi čar, Khua phŭn bruă kahan ksiêm, Khua hlăm Êpul hgŭm ruah khua ala čar lač snei, ƀuôn prŏng hluê ngă djŏ leh hdră, hră m’ar kčah mtrŭn, bi mklă, mƀlir anăn phung mgơ̆ng ruah, msir mghaih klei kčŭt hưn mơ̆ng mnuih ƀuôn sang; hâo hưn, mtô mblang, rơ̆ng klei êđăp ênang ala ƀuôn lehanăn gang mkhư̆ klei ruă Covid 19. Đại tướng Tô Lâm mtă kơ ƀuôn prŏng Đà Nẵng kƀĭn hlăm bruă rơ̆ng kjăp klei êđăp ênang ala ƀuôn hlăm wưng mkŏ mjing klei ruah khua, boh nik hlăm hruê ruah khua lehanăn êdei kơ ruah khua./.

H Nêč pô mblang