VOV4.Êđê- Hruê mbruê 22/3, Êpul mă bruă mơ̆ng Dhar bruă mặt trận čar kwar Việt Nam gưl dlông  ngă bruă ksiêm dlăng  bruă ruah khua bi aka Quốc hội gưl XV leh anăn ruah phung bi ala HĐND dŭm gưl, wưng 2021-2026 ti čar Kon Tum. Mơ̆ng bruă ksiêm hriăm hră mơar mơ̆ng Dhar bruă ruah khua čar Kon Tum leh anăn ksiêm dlăng boh sĭt ti kdriêk  Đăk Hà, Êpul ksiêm dlăng ƀuh, čar Kon Tum pral, ktuê dlăng dŭm hră mơar kơ bruă ruah khua leh anăn hră mơar gĭt gai, ktrâo lač mơ̆ng alŭ wăl, hriăm mjuăt djăp ênŭm, dŭm êpul dlăng bruă ruah khua rơ̆ng kơ ênoh, mnuih, wưng.

Êpul ksiêm dlăng mơ̆ng Dhar bruă mặt trận čar kwar Việt Nam gưl dlông mtă kơ čar Kon Tum dŭm mta phŭn ka djŏ hdră kčah, adôk mâo klei kƀah msĕ si: đa đa phung mgơ̆ng asei ăt mâo anăn hlăm Anôk bruă ruah khua leh năn êpul ruah khua, mbŏ grat hlăm hră mơar phung mgơ̆ng asei êpul lĭng kahan, bruă hluê ngă hdră kčah kơ hră mơar bi trông čhai.

Pô mblang: H’Zawut Ƀuôn Yă