VOV4.Êđê- Êpul mă bruă mơ̆ng Dhar bruă mặt trận čar kwar Việt Nam mâo Phùng Khánh Tài - K’iăng Khua Dhar bruă ngă khua êpul mrâo mâo mmông mă bruă hŏng čar Lâm Đồng ksiêm dlăng bruă ruah khua phung bi ala Quốc hhọi gưl 15, phung bi ala HĐND dŭm gưl wưng thŭn 2021-2026. Bruă mprăp ruah khua ti Lâm Đồng mơ̆ng gưl čar truh gưl kdriêk leh anăn gưl să dưi hluê ngă djŏ hnơ̆ng kčah. Bruă Đảng čar, Hội đồng nhân dân, Knơ̆ng bruă sang čư̆ êa čar pral mkŏ mjing, pŏk ngă dŭm bruă ruah khua, ksiêm duah dŭm mta mrâo hŏng wưng thŭn 2016-2021 čiăng mkŏ mjing hluê ngă djŏ hnơ̆ng kčah leh anăn wưng kčah, boh nik ktuê dlăng dŭm mta phŭn dưi kčah hlăm hdră bhiăn, mơ̆ng năn ktrâo lač pŏk ngă ti alŭ wăl čiăng ngă bruă hŏng klei pral.

K’iăng Khua Dhar bruă mặt trận čar kwar Việt Nam mâo Phùng Khánh Tài tŭ yap, bi mni kơ bruă mprăp ruah khua ti čar Lâm Đồng. Bruă Đảng čar, HĐND, leh anăn Knơ̆ng bruă ruah khua čar mbĭt hŏng mặt trận dŭm gưl gĭt gai, mâo hră moar, hdră kčah, mkŏ mjing klei bi trông čhai djŏ hnơ̆ng kčah, djŏ mnuih, ngă djăp klei kčah leh. Lâm Đồng brei lŏ dơ̆ng mđĭ lar dŭm klei tŭ dưi mâo, ngă rơ̆ng mmông leh anăn hnơ̆ng dŭm bruă kơ anăp čĭng kơ bruă ruah khua ti alŭ wăl dưi mâo klei tŭ dưn jăk hĭn.

Pô mblang: H’Zawut Ƀuôn Yă