VOV4.Êđê- Aguah mbruê 15-3, ti Hà Nội, mphŭn pŏk klei bi kƀĭn tal 54 mơ̆ng Dhar bruă Quốc Hội. Brei klei blŭ mguôp ksiêm wĭt bruă knuă wưng thŭn gưl 14 mơ̆ng Quốc hội, Dhar bruă Quốc Hội ksiêm wĭt, hdră bi tăng mgăl mơ̆ng phung bi ala Quốc hội êlam, ngă djŏ klei čang hmăng mơ̆ng lu phung bi ala kơ mnuih ƀuôn sang leh anăn yang ƀuôn. Hluê si Khua Quốc hội Nguyễn Thị Kim Ngân, Quốc hội gưl 14 jing wưng tŭ dưn leh anăn bi leh êdah kdlưn bruă klam mâo Đảng, mnuih ƀuôn sang jao. Hŏng 11 klei bi kƀĭn, grăp mlan Dhar bruă Quốc hội bi kƀĭn nanao, ka yap ôh dŭm klei bi kƀĭn mjêč ti anăp klei čiăng mơ̆ng ala čar leh anăn knŭk kna čiăng ngă bruă amâo gun kpăk. Khua Quốc hội Nguyễn Thị Kim Ngân mñă klă bruă bi tăng mgăl mơ̆ng phung bi ala Quốc hội êlam, ngă djŏ klei čang hmăng mơ̆ng yang ƀuôn.

Pô mblang: Y-Khem Niê