Ƀri bi hdơr 136 thŭn hrue kkiêng kơ khua gĭt gai Hồ Chí Minh, Êpul hgŭm Văn học Nghệ thuật čar Daklak bi hgŭm leh hŏng Trung đoàn kahan ksiêm knhăk lăn dap kngư lehanăn sang hră gưl prŏng Luật Hà Nội ti Daklak mkŏ mjing klei bi trông “Dŭm hdruôm hră čih kơ Khua gĭt gai Hồ Chí Minh lehanăn mơ̆ng phung mda asei”. Hdră anei mâo iêo jak lu phung văn nghệ sĩ, nai mtô, knuă druh lĭng kahan, lehanăn phung hriăm gưl prŏng bi mguôp.

Dŭm klei blŭ ti anôk bi kƀĭn,  hlăm ênuk mrô, klei dlăng hră kơ Awa amâo mâo djŏ knŏng đru kơ phung hđeh gưl mrâo thâo săng hĭn kơ hƀuê ênuk djuê ana, ƀiădah lŏ đru mguôp hlăm klei ksul mbŭ knhuah jing, klei hdĭp, lehanăn bruă klam hŏng yang ƀuôn. Tui si pô čih klei yăl dliê Niê Thanh Mai, Khua êpul hgŭm Văn học Nghệ thuật čar Daklak, wưng tinăp srăng lŏ dơ̆ng bi lar dŭm klei čih kơ Awa hŏng lu hdră čiăng mđĭ klei tŭ dưn mơ̆ng klei mĭn, kơ knhuah hdĭp, knuih mơ̆ng Khua gĭt gai Hồ Chí Minh truh hŏng yang ƀuôn./.