Anei jing gưl tal êlâo sa klei bi lông êran hŏng hnơ̆ng prŏng mguôp hŏng hdră mtô mblang, hưn mthâo anăn knăl Kphê Ƀuôn Ama Thuôt dưi mkŏ mjing ti Dak Lak, mâo lu phung nao hgŭm bi lông. Mjưh ruê̆ klei bi lông, Anôk mkŏ mjing jao leh 5 klei pah mni kơ pô bi lông mâo boh tŭ êdah êdi ti hnơ̆ng êran 5km, 10 km, mbĭt anăn pah mni kơ phung bi lông hluê êpul thŭn ti hnơ̆ng 21 km.

Lê Hoàng Phú, Kơiăng khua knơ̆ng bruă Dhar kreh, mjuăt ktang asei mlei lehanăn Hiu čhưn ênguê čar Dak Lak, brei thâo, mbĭt hŏng mnuih bi lông hlăm čar, klei bi lông thŭn anei mâo gaiăm 2 êbâo čô mơ̆ng čar, ƀuôn prŏng hlăm lehanăn êngao ala čar, đru bi lar hdră mjuăt ktang asei mlei hlăm êpul êya, mbĭt anăn hưn mthâo pŏk rup Ƀuôn Ama Thuôt lehanăn anăn knăl kphê Dak Lak truh hŏng tuê hiu čhưn jĕ giăm taih kbưi./.