VOV4.Êđê- Mmăt 20/5, ti Sang dhar kreh Binh đoàn 15, ƀuôn prŏng Pleiku, čar Gia Lai, Knơ̆ng bruă kđi čar lĭng kahan yang buôn Việt Nam mkŏ mjing keh Knăm bi lông kdŏ mmuñ êpul kahan djă phao ktuang lehanăn phung êdam êra, hđeh hriăm hră tal X, krĭng II thŭn 2024.

VOV4.Êđê- Hlăm hdră tui ksiêm Wăl anôk ƀăng k’ưp čư̆ pui tar rŏng lăn UNESCO Dak Nông, truh ti să Nâm Nung, Krông Knô, phung tuê hiu čhưn ênguê dưi tui ksiêm kơ Kđông phŭn kahan kdơ̆ng mblah B4 – Mlir čar mrô IV, tui ksiêm kơ dhar kreh jăk siam mơ̆ng mnuih Mnông hluê hŏng dŭm bruă djuê ana mơ̆ng đưm msĕ si: Mnơ̆ng pơ̆k mñam, hrĭ mñam, mnơ̆ng ƀơ̆ng huă, knăm m’ak tông čing čhar. Klei mdê, tinei phung tuê hiu čhưn ênguê lŏ mâo klei găl ƀơ̆ng dŭm mta mnơ̆ng jăk mơ̆ng djuê ana Mnông.

VOV4.Êđê - Ƀri gưl bi hdơr 134 thŭn hruê kkiêng Awa Hồ khăp hơiêng, hruê 17/5, mnuih Jeh Triêng ƀuôn Đăk Răng, să knông lăn Đăk Dục, kdriêk Ngọc Hồi, čar Kon Tum mơak pŏk klă sĭt knăm drông tue hiu čhưn.

VOV4.Êđê - Bi hdơr 134 thŭn Hruê kkiêng kơ Khua gĭt gai Hồ Chí Minh, aguah hruê 16/5, Knơ̆ng bruă Dhar klreh, mjuăt ktang asei mlei lehanăn hiu čhưn ênguê čar Dak Lak mkŏ mjing leh knăm pŏk klei rang mdah rup, hră m’ar hŏng akŏ “Hồ Chí Minh siam êdi anăn Ñu”.

VOV4.Êđê- Êngao kơ dŭm mta djam jăk mơ̆ng trŏng phĭ, hla hbei ƀlang, điŏ brông, mnŭ ăm… hlăm mnơ̆ng ƀơ̆ng anak Êđê amâo dưi amâo lač ôh kơ djam jăk mơ̆ng hdăm sao. Msăm mngač mguôp hŏng dŭm mta djam dliê leh anăn mnơ̆ng bi mƀăt hjăn, anak Êđê mâo dŭm mta djam jăk snăk mơ̆ng hdăm sao.

VOV4.Êđê – Hlăm hdră Bi hdơr 70 thŭn hruê mblah dưi Điện Biên Phủ (7/5/1954 - 7/5/2024), mmăt mbruê 6/5, ti wăl tač 7/5, ƀuôn prŏng Điện Biên Phủ, čar Điện Biên mkŏ mjing leh Hdră kdŏ mmuñ mâo anăn “Điện Biên Phủ - gru kruăk yuôm bhăn hlăm hƀuê ênuk”.

VOV4.Êđê - Hŏng mnuih ƀuôn sang djuê ana Bahnar ti čar Gia Lai, knăm ngă yang luh msăt (Et tuh klŏk) yuôm bhăn êdi, kyua anei jing knăm tal êlâo hlăm klei hdĭp mơ̆ng sa čô mnuih djuê ana Bahnar. Knăm anei amâo djŏ knŏng čiăng lač jăk kơ yang, ba m’ĭt klei čang hmăng kơ phung yang đru răng mgang hđeh suaih pral, đĭ hriê kơ prŏng ƀiădah anei jing knăm bi mklă hđeh anei jing mnuih hlăm gŏ sang, djuê ana lehanăn êpul êya

VOV4.Êđê- Hjiê kdrăp tông ayŭ djuê ana mơ̆ng đưm mnuih Jeh Triêng ti čar Kon Tum mâo lui êdi, hŏng 22 mta mdê mdê. Hlăm anăn, mâo truh 2/3 kdrăp dưi mkra mơ̆ng kram, alê, m’ô. Ta lẹh jing sa hlăm dŭm kdrăp tông jăk êdi mơ̆ng mnuih Jeh Triêng, dưi mkra mjing kbiă hruê mơ̆ng klei hdĭp ngă bruă pưk hma lehanăn siă suôr hŏng klei hdĭp grăp hruê hruê mơ̆ng mnuih ƀuôn sang.

VOV4.Êđê- Bi hdơr 70 thŭn klei blah dưi Điện Biên Phủ, mlam mmăt hrue 2/5, ti sang mmuiñ Hồ Gươm (Hà Nội), Phŭn bruă kahan ksiêm mkŏ mjing hdră mdŏ muiñ hŏng akŏ; “Điện Biên Phủ - amâo mâo dưi wơr ôh”.

VOV4.Êđê- Hlăm 5 hruê mdei knăm 30/4 lehanăn 1/5 thŭn anei, mâo leh 125 êbâo čô tue hiu čhưn truh ti Dak Lak mdei săn, hlăp lêñ. Hlăm anăn, tuê ala tač êngao mâo lu.