VOV4.Êđê- Knŏng dôk mă 2; 3 hruê truh yơh Knăm mơak kphê Ƀuôn Ama Thuôt gưl tal 8. Ti dŭm ƀuôn êlan, dŭm hruê êgao, mnuih ƀuôn sang dôk mtul mtlak mơak mñai mprăp dŭm klei găl kơ mnơ̆ng yua ăt msĕ hŏng dŭm mta bruă dhar kreh, ñŭ kma mbĭt hŏng ai êwa Knăm mơak.

VOV4.Êđê- Klei si klei bhiăn mnuih Êđê, klei mjĕ giăm hlăm gŏ sang leh anăn găp djuê amâo djŏ knŏng jing dhŭng k’ŭt, găp djuê, ƀiădah lŏ bi êdah plah wah phung sa djuê, mdê djuê, amâodah mdê djuê ana. Klei mjĕ mjing kreh mkŏ mjing hŏng klei mjĕ giăm msĕ si Amĭ ama - anak čô, Ayŏng – adei, amai- adei.

VOV4.Êđê- Bruă sang čư êa ƀuôn prŏng Đà Lạt, čar Lâm Đồng dôk mkŏ mjing hdră êlan hluê ngă klei bi hmô mđĭ kyar bruă duh mkra mmăt, bi djăp ênŭm klei čiăng hlăp lêñ, blei ba yua, mnơ̆ng ƀơ̆ng mmnăt kơ mnuih ƀuôn sang hlăm alŭ wăl leh anăn phung tuê.

VOV4.Êđê- Aguah mbruê 3/3, knơ̆ng bruă Dhar kreh, mjuăt ktang asei mlei leh anăn hiu čhưn ênguê čar Dak Lak mkŏ mjing knăm hưn mdah Ƀuôn hiu čhưn ênguê tal êlâo ti čar Dak Lak, anăn jing ƀuôn Akŏ Dhông, ti ƀuôn hgŭm Tân Lợi, ƀuôn prŏng Ƀuôn Ama Thuôt.

VOV4.Êđê- Tlam mbrue 26/2, Anôk bruă kiă kriê bruă Đảng čar Daklak mkŏ mjing leh klei mphŭn bi leh bruă rŭ mdơ̆ng sang knhuah gru bruă Đảng čar, lehanăn sang krum Êđê.

VOV4.ÊĐê- Hlăm klei bhiăn ngă yang lŏ hma mnuih M’Nông, klei ngă yang huă êsei mrâo lŏ pia jing Tết huă êsei mrâo mâo klei bhiăn yuôm bhăn. Klei bhiăn anei amâo djŏ knŏng mâo klei dhar kreh yuôm bhăn kñăm mpŭ kơ mdiê ôh, ƀiădah lŏ bi êdah ai tiê bi hgŭm, čang hmăng klei êđăp ênang kơ gŏ sang, ƀuôn sang hlăm sa thŭn mrâo.

VOV4.Êđê- Pioh duh kơ tuê hiu čhưn ti Dak Lak hlăm wưng mkŏ mjing Knăm mơak kphê Ƀuôn Ama Thuôt tal 8, 12 anôk bruă hiu čhưn ênguê ti čar Dak Lak mkŏ mjing leh 42 tuôr hiu čhưn ênguê hŏng lu klei jăk siam.

VOV4.Êđê- Nà Hẩu jinh să dleh dlan hlăm krĭng Wăl dliê hrông knŭk kna mkuôm Nà Hẩu, kdriêk Văn Yên, čar Yên Bái. Anei jing anôk hdĭp mda sui thŭn mnuih Mông. Klei hdĭp adôk dleh dlan, ƀiădah mnuih ƀuôn sang tinei ăt gĭr hrăm mbĭt răng mgang dliê hŏng hdră pô leh anăn hŏng klei khăp kơ dliê.

VOV4.Êđê- Aguah mbrue 20/2, ti akŏ hnoh êa Lê Nin hƀuê ênuk mnuih ƀuôn sang mơ̆ng ƀuôn Pác Bó, să Trường Hà, kdriêk Hà Quảng, čar Cao Bằng mkŏ mjing leh knăm ngă yang djăt êa mơ̆ng hnoh êa Lê Nin ba myơr kơ sang ngă yang kơ Hồ Chí Minh.

VOV4.Êđê- Ăt msĕ hŏng dŭm djuê ana mkăn ti krĭng Lăn Dăp Kngư, mnuih Mnông Rlam ti kdriêk Lăk, čar Dak Lak mâo lu klei bhiăn dhar kreh mdê hjăn bŏ hŏng knhuah gru. Boh nik, dŭm klei bhiăn kơ klei hdĭp mơ̆ng mnuih Mnông ăt mâo mnuih ƀuôn sang mkŏ mjing nanao. Hlăm anăn mâo knăm mơak thŭn jŏk hŏng boh tŭ bi êlam hĭn klei bi mguôp hlăm gŏ sang.