VOV4.Êđê- Ti anăp boh klei ruă tưp dleh dưi ksiêm dlăng, truh aguah mbrue (4/5), kluôm ala mâo leh 9 boh čar, ƀuôn prŏng brei hđeh hriăm hră mdei êjai nao sang hră mơ̆ng êla lŏ mâo klei hưn mthâo mrâo. Anăn jing ƀuôn prŏng Hà Nội, Bắc Giang; Hà Nam, Vĩnh Phúc, Hưng Yên, Yên Bái, Đà Nẵng, Quảng Nam, An Giang. Čiăng kơ hdră hriăm lehanăn mtô ti sang hră nao hlăm klei hriăm trực tuyến. Ti čar Vĩnh Phúc anôk mâo klei ruă tưp covid 19 hlăk dôk dleh dưi ksiêm dlăng, čiăng dưi mâo klei êđăp ênang kơ hđeh hriăm hră, knơ̆ng bruă sang čư̆ êa čar mâo leh asăp mtrŭn kơ êbeh 300 êbâo čô hđeh hriăm hră mơ̆ng hđeh điêt truh kơ gưl 3, sang hră giáo dục thường xuyên lehanăn sang hră hriăm bruă hlăm čar mdei hriăm mơ̆ng hrue 3/5 truh jih hrue 8/5. Leh wưng anei, tui hlue hŏng boh klei ruă tưp dôk găn, knơ̆ng bruă sang čư̆ êa čar srăng ksiêm dlăng lehanăn mâo klei gĭt gai bi djŏ. Ti čar Hưng Yên, knơ̆ng bruă sang hră mơar čar akâo leh kơ knơ̆ng bruă sang čư̆ êa čar brei hđeh hriăm hră hlăm čar mdei mơ̆ng hrue 4/5 truh mơ̆ng êla lŏ mâo klei hưn mrâo, pioh mdrơ̆ng hŏng klei ruă tưp covid 19./.

Pô mblang: Y-Khem Niê