VOV4.Êđê - Hla\m klei hưn mdah a\t bi êdah du\m ênoh mgưt, Knu\k kna, Quốc hội, sra\ng ba mdah ya hdra\ mtru\n, a\t dleh mơh dưi mkhư\ klei lui] rai dliê ti kr^ng la\n dap kngư. Lo\ dơ\ng du\m klei ]ih ho\ng ako\ “Dliê La\n dap kngư hla\m klei kp^ brei jing mah”, hdra\ hruê mgi sra\ng mâo klei ]ih “Ti tluôn ênoh mgưt”, la] kơ boh klei mâo s^t, boh kdru\t krơ\ng dliê, mta phu\n nga\ lui] dliê ti du\m êpul êya pô dliê kr^ng la\n dap kngư:

Adiê tlam wai băk hriê kơ mmăt, adiê hjan ăt hlăk pro\ng arua\t ti kr^ng knông lăn mơ\ng ]ar Dak Lak. Go\ sang ayo\ng Y Sken Siu krah hjan, dăp wa\ng pel, dho\ng kga\ hlăm êdeh kai w^t kơ sang kbưi ho\ng anăn êbeh 20 km. Hlăm hruê, 6 ]ô mnuih hlăm go\ sang ayo\ng bi leh bruă pla hbei [lang ho\ng ênhă lăn hlăm brô 1ha, hluê si  Y Sken, jing lăn `u jah ênah mâo 3 thu\n êlâo dih.

Hluê si Knơ\ng bruă sang ]ư\ êa kdriêk Ea Sup, kluôm kdriêk ara\ anei mâo hlăm brô 76 êbâo ha dliê, hnơ\ng k'up êyui dliê 42%. Ăt hluê si hră mơar mơ\ng kdriêk, alu\ wa\l ktuê êlan dơ\ng pro\ng mrô 29, hlăm boh taih giăm 30 km găn alu\ wa\l să }ư\ Kbang leh anăn Ea Bung, ăt mâo dliê, mâo wa\l hma mơ\ng Y Sken leh anăn du\m go\ êsei mkăn dôk ngă bruă.

Nguyễn Như Hoàng, Khua kriê dlăng dliê kdriêk Ea Sup brei thâo hlăm hră mơar, hlăm 10 thu\n (wưng 2009-2019), dliê hrông ti Ea Sup hro\ mơ\ng 130 ha adôk êbeh 60 êbâo ha, hnơ\ng k'up êyui dliê adôk 42%. {ia\dah klă s^t, hnơ\ng hro\ adôk kjham h^n lu êdi. Boh nik, Ea Sup klă s^t amâo lo\ mâo dliê ôh: “Ară anei nai bi k[^n, phung bi k[^n khăng la] 42%, [ia\ dah djo\ h^n la] he\ 24%. Ară anei du\m ênhă dliê gưl să mkăp ênoh mrô [ia\ dah hlăm anăn amâo djo\ dliê ôh, `u jih leh, amâo lo\ mâo mnơ\ng hlăm anăn ôh. Leh pô w^t ngă bruă kriê dlăng dliê anei snăn hjăn ênoh dliê pô amâo tu\ ư ôh, pô amâo tu\ ư ênoh anăn. Kyua boh s^t amâo lo\ mâo dliê ôh."

Hluê si Lưu Trung Nghĩa, Khua Knơ\ng bruă lo\ hma - mđ^ kyar kr^ng [uôn sang Gia Lai, mrâo êgao ksiêm w^t du\m thu\n, [ia\ dah boh s^t ênoh dliê mdê ho\ng ]ih hlăm hră mơar. Anôk bruă djo\ tuôm ngă bi klă du\m pô dliê mdăp ênoh lui] dliê jing ]ia\ng lo\ dơ\ng mă prăk răng mgang dliê leh anăn prăk knu\k kna pioh kriê dlăng, gang mkhư\ klei pui [ơ\ng dliê. Ksiêm dlăng du\m knơ\ng bruă dliê kmrơ\ng ti Gia Lai hlăm 2 thu\n êgao, djăp anôk bruă ăt [uh dliê [ia\ h^n boh s^t du\m êtuh ha truh du\m êbâo ha. Kyua anăn, bi hrô kơ klei w^t la] "Gia Lai ara\ anei adôk mâo du\m ha dliê", Nghĩa brei thâo, Knơ\ng bruă dôk ksiêm dlăng w^t leh anăn hlăk duah hdră ]ia\ng msir mgaih klei hâo hưn soh, jing leh klei mưng mơ\ng phung pô dliê:“Kdrăp masin amâo blu\ loar ôh. Soh jing soh mơ\ng bruă phung ksiêm dlăng, msir mgaih ênoh mrô hlăm bruă dliê kyâo, Mâo sa klei m^n jing grăp ]ô hu^ sơa^ kơ ênoh mrô [ia\ h^n kơ bruă tu\ klei bi kmhal, mơ\ng anăn hưn amao djo\. Jing ênoh êdei anei amâo djo\ amâo dah ka djo\ leh anăn dưi la] jing ênoh dôk đao\ đing. Kjham h^n tăp năng pia jing amâo dưi ba yua ôh."

Hluê si Phu\n bruă lo\ hma - mđ^ kyar kr^ng [uôn sang, Lăn Dap Kngư adôk hlăm brô 2 êklăk 5 êtuh êbâo ha dliê, hnơ\ng k'up êyui dliê giăm 46%. Khă snăn, du\m ]ar Lăn Dap Kngư ăt kăn đao\ knang rei kơ du\m klei hâo hưn mơ\ng pô, Phu\n bruă lo\ hma mđ^ kyar kr^ng [uôn sang h^n mơh amâo mâo tur knơ\ng ]ia\ng đao\. Khua phu\n bruă lo\ hma mđ^ kyar kr^ng [uôn sang Nguyễn Xuân Cường brei thâo, klei dliê hro\, ênoh mâo mơ\ng anôk bruă nah gu\ truh kơ gưl dlông, ngă kơ du\m hdră ]ua\l mkă, klei đao\ knăl leh anăn ba hdră răng mgang dliê amâo dưi mâo klei tu\ dưn:“Grăp gưl hưn mthâo mdê mdê, kyua mơ\ng klei s^t `u jing snăn. Leh anăn mơ\ng gưl anei leh gưl mkăn, hlăm anôk bruă nah gu\ truh gưl dlông jing sa ênoh mrô snăn. Tơdah bruă anei drei amâo dlăng kơ boh s^t, lă lar drei amâo dưi mâo ênoh djo\ klă ôh."

Lu blư\ ngă bruă ho\ng phung khua g^t gai du\m ]ar Lăn Dap Kngư, Khua Knu\k kna Nguyễn Xuân Phúc lo\ bi hdơr na nao bruă klam kru\ w^t dliê, m`ă klă klei yuôm bhăn mơ\ng bruă hluê ngă bruă klam anei ho\ng klei đ^ kyar hơ^t kjăp. Mjing boh kdru\t ]iăng hluê ngă bruă klam anăn, thu\n 2016, Khua Knu\k kna mtă kđăl [a\ng dliê hrông. Truh thu\n 2019, Khua Knu\k kna bi mklă hdră răng mgang, kru\ w^t leh anăn mđ^ kyar dliê hơ^t kjăp kr^ng Lăn Dap Kngư wưng 2016-2030, ho\ng ênoh bi liê m^n t^ng êbeh 28 êbâo êklai prăk. Khă snăn, tơdah amâo bi mklă bruă hâo hưn soh hlăm lu gưl, du\m ênoh amâo djo\ srăng lo\ dơ\ng ngă dleh dlan kơ du\m klei Knu\k kna g^r. Boh nik, bruă hâo hưn amâo djo\ lo\ ngă kơ hdră êlan kơ bruă dliê kmrơ\ng mâo ara\ng mjhua leh anăn soh ho\ng hdră tă, ba lu klei amâo jăk.