VOV4.Êđê -  Aguah hruê 6/4, ti Hà Nội, Đảng êpul Mặt trận čar kwar Việt Nam mkŏ mjing Klei bi kƀĭn hưn mthâo Klei bi mklă mơ̆ng Phŭn bruă kđi čar kơ bruă knuă druh. Hluê anăn, Đỗ Văn Chiến, Khua hlăm Anôk bruă Đảng gưl dlông, Khua anôk bruă knuă druh Đảng, Khua phŭn bruă hlŏng klam Khua dhar bruă Djuê ana păn ngă Khua bruă Đảng êpul Dhar bruă mặt trận čar kwar gưl dlông Việt Nam wưng thŭn 2019-2024. Khua hlăm Phŭn bruă kđi čar, K’iăng khua Quốc hội Trần Thanh Mẫn nao ti anôk bi kƀĭn. H’êč hmưi kơ Đỗ Văn Chiến mâo leh Phŭn bruă kđi čar ruah păn ngă Khua bruă Đảng êpul Mặt trận čar kwar Việt Nam, Trần Thanh Mẫn đăo knang hŏng k’hưm mrâo, Đỗ Văn Chiến srăng hrăm mbĭt hŏng êpul êya bruă Đảng êpul Mặt trận čar kwar Việt Nam bi leh jih bruă klam mâo kčah jao, lŏ dơ̆ng mđĭ lar bruă klam mơ̆ng mặt trận hlăm wưng ară anei, năng hŏng klei đăo knang mâo Đảng, Knŭk kna lehanăn mnuih ƀuôn sang jao kơ anôk bruă Mặt trận./.

H’Nêč pô mblang