VOV4.Êđê - Kha\dah dôk g^r ktưn msưh kdu\n klei rua\ tưp Covid 19 lehana\n klei rua\ tưp buôr ]uh ko# ko\ng đo\k, [ia\dah leh mâo klei hâo hưn kơ lu anôk tu\k kna\ êsei djam đru kơ mnuih knap m`ai, mnuih rua\ ti Đà Nẵng dôk đru tu\k kna\ mnơ\ng kơ du\m anôk bi ktlah adôk k[ah djam mtam, lu mnuih [uôn sang ti kr^ng La\n dap kngư hgu\m kngan đru mguôp leh ai tiê, hgu\m kngan ba m’^t mnơ\ng kơ Đà Nẵng bo\ ho\ng klei thâo kha\p.

Êdeh đue\ nao du\m pluh km mơ\ng alu\ Nam Phú, sa\ Nâm Đa, kdriêk Krông Knô, ]ar Daknông, truh kơ [uôn pro\ng {uôn Ama Thuôt, ]ia\ng đru mguôp mâo [ia\ djam mtam mơ^t kơ êpul ba ana\p ti Daklak nao ba đru kơ Đà Nẵng, ayo\ng Trần Tấn Phú brei thâo, `u mâo ma\ klei anei leh dlăng hlăm klei iêu mthưr ho\ng facebook ayo\ng amai adei ti Daklak. Leh thâo klei anei, `u iêu đ^ng blu\ mtam êmuh phung iêu mthưr ]ia\ng thâo si hdra\ ma\ brua\, lehana\n w^t bi trông ho\ng go\ sang kah sa sao đang djam, hlăm ênoh jih jang pla mâo 7 sao djam mtam, go\ sang `u đru kơ Đà Nẵng. Phú la], kah he\ sa sao djam s^t nik srăng jing hro\ ênoh mâo ba w^t mơ\ng go\ sang, [ia\dah dưi đru leh kơ mnuih hlăk dôk hlăm anôk bi ktlah ti Đà Nẵng, mâo djăp djam mtam [ơ\ng, lui] liê [‘[ia\ amâo mâo uê` ôh:“Ara\ anei sang kâo hlăk pla mjing mâo 7 sao djam mtam, kâo lehana\n go\ sang kâo kut kat kah sa kdrê] mơ\ng go\ sang pô mâo pioh đru kơ Đà Nẵng, lehana\n phung dôk mdrơ\ng ho\ng klei rua\ tưp. Kâo ]ang hmăng mơ\ng klei bi đru anei, hmei srăng mguôp sa kdrê] kơ jih jang mnuih pral dưi găn klei rua\ tưp anei”.

Amai Nguyễn Thị Thái Thanh, Khua knơ\ng brua\ Ban Mê Green Farm ti {uôn Ama Thuôt, ]ar Daklak jing pô iêu mthưr jih jang mnuih bi đru djam mtam kơ Đà Nẵng. Amai Thanh la]: Mâo ho\ng anei du\m hruê, `u mâo ma\ đ^ng blu\ mơ\ng sa ]ô mnuih akâo mko\ mjing klei bi đru djam mtam kơ sang hua\ [ơ\ng ti [uôn pro\ng Đà Nẵng, kyuadah lu anôk tu\k kna mnơ\ng [ơ\ng hua\ ti [uôn pro\ng Đà Nẵng k[ah djam mtam êjai dôk hlăm klei bi ktlah yang [uôn. Bi m^n jing pô mâo djăp klei dưi ngă klei bi đru ana\n, snăn amai Thanh tu\ ư mtam.

Leh tu\ ư klei akâo ana\n, `u bi lar mtam yơh hlăm facebook iêu mthưr kơ jih jang phung pla djam mtam, mah jia\ng [^ng găp, lehana\n mnuih [uôn sang hlăm alu\ wa\l bi mguôp djam mtam mơ^t ba kơ Đà Nẵng, ho\ng klei ]ang hmăng mâo đru kơ mnuih [uôn sang êjai dôk hlăm krah anôk mâo klei rua\ tưp, hơ^t ai tiê mdrơ\ng ho\ng klei rua\ tưp. Kno\ng 4h êdei kơ ana\n, amai Thanh mâo tu\ ma\ mtam truh 1 tôn mkrah djam mtam djăp mta mơ^t ba.

Êdei kơ 5 hruê ngă klei iêu mthưr, truh kơ ara\ anei êpul mơ\ng amai mâo ba leh kơ Đà Nẵng giăm 7 tôn djam mtam boh kroh djăp mta đru kơ Đà Nẵng hlăm grăp hruê. Amâo mâo djo\ kno\ng phung pla mjing, [ia\dah wa\t ho\ng mnuih [uôn sang dôk hlăm klei dleh dlan dưn mơh ti kr^ng taih kbưi du\m êtuh kma ăt du\ ba djam mtam mơ^t đru kơ Đà Nẵng. Mâo lu mnuih đa đa dua tlâo kg djam, klo\ boh giêt, boh guga… ăt đu\ng hlăm huôm mơ^t mơh:“Lu blư\ [uh mgei ai tiê êdi, dlăng jih jang mnuih bi mjh^t m’ua\t, dôk dlăng pap snăk kơ Đà Nẵng, ara\ anei jing leh anôk bi ktlah, snăn jih jang mnuih ngă yơh klei bi đru jih ai tiê pô, ho\ng klei khăp lehana\n klei bi mguôp pô mâo leh. Bi yăng đar hlei ktang hlei hd^p yơh, mdê êsei mdê hua\, [ia\dah leh klei ju\ jhat truh, snăn jih jang mnuih sa ai tiê bi đru, ho\ng jih ai ênai. Lu mnuih lo\ êmuh ăt adôk ]ia\ng mơ\, snăn kâo la] kâo srăng tu\ ma\ jih lehana\n mơ^t, mơ\ng êla Đà Nẵng w^t mse\ si aguah tlam kơh”.

Mâo djam mtam, boh kroh bi mơ^t đru kơ Đà Nẵng, [ia\dah êpul amai Thanh tuôm ho\ng klei dleh hlăm brua\ du\ mdiăng, kyuadah jih jang êdeh mko\ dua kr^ng dôk hlăm klei rua\ tưp sơăi brei mdei êrô hiu. Amai Thanh hiu duah êmuh djăp sang êdeh, lehana\n mâo đa đa sang êdeh tu\ ư mdiăng brei kno\ng mil mơ\ng 100- 200kg/blư\/êdeh. Thâo săng kơ ai tiê mnuih [uôn sang ti ]ư\ ]hia\ng anei, Nguyễn Thanh Trung, khua adu\ brua\ bi ala alu\ wa\l Lăn Dap Kngư, Knơ\ng brua\ du\ ba pral Nhất Tín tu\ ư đru klei anei:“Êdeh pô ara\ anei srăng đ^ nao 1 hruê kăm 3 blư\, snăn hmei srăng hrăm mb^t ho\ng du\m gưl êdeh đue\ nao ana\n, dja\ ba brei. T^ng kơ êpul bi đru la] du\m gưl ]ia\ng du\ ba, lehana\n du\m mâo srăng du\ ba, snăn hmei srăng t^ng mka\, lehana\n đru jih ai tiê, tui si knơ\ng brua\ dưi”.

Dưi [uh, êjai dôk găn hlăm klei rua\ tưp pro\ng, klei bi đru mơ\ng mnuih [uôn sang ho\ng phung dôk hlăm kr^ng mâo klei rua\ tưp jing sa mta brua\ ngă năng mpu\ snăk. Du\m gưl du\ ba djam mtam boh kroh mơ\ng mnuih [uôn sang ti Lăn Dap Kngư kơ Đà Nẵng amâo mâo djo\ kno\ng dja\ ba kơ mnuih dôk hlăm klei bi ktlah mâo thiăm djam mtam hla\m grăp blư\ hua\ [ơ\ng đui] ôh, [ia\dah lo\ dja\ ba wa\t jih ai tiê, klei đăo knang, lehana\n klei bi mđ^ ai mơ\ng mnuih [uôn sang Lăn Dap Kngư truh ho\ng Đà Nẵng./.

Nam Trang pô ]ih – Y Khem pô mblang