VOV4.Êđê-  Hruê anei, 22/5, leh sa wưng mprăp djăp ênŭm lehanăn dôk čang guôn, gưl ruah pô bi ala Quốc hội gưl 15 lehanăn bi ala Hội đồng nhân dân dŭm gưl wưng thŭn 2021 – 2026 mphŭn pŏk ti dŭm alŭ wăl, êpul êya dưi ruah khua hnưm. Hŏng krĭng Lăn dap kngư, hlăm hruê anei, hlăm brô 12 êbâo čô mnuih ƀuôn sang, ti 63 êpul êya hlăm dŭm čar Dak Lak, Kon Tum lehanăn Dak Nông, hơ̆k m’ak hluê ngă klei dưi lehanăn bruă klam mơ̆ng pô hlăm dŭm pŏk hră mplĕ, nao ruah mnuih mâo djăp klei thâo, knhuah hdĭp jăk mŭt hlăm Quốc hội lehanăn Hội đồng nhân dân dŭm gưl.

Leh 12 êbâo čô mnuih ƀuôn sang hluê ngă klei dưi lehanăn bruă klam mơ̆ng pô; êbeh 4 êklăk 100 êbâo čô mnuih ƀuôn sang, mơ̆ng giăm 50 djuê ana ayŏng adei Việt Nam ti lăn dap kngư srăng nao mplĕ hră ti 5 êbâo 817 êpul mplĕ hră čiăng ruah mnuih mâo djăp klei thâo, knhuah hdĭp jăk mŭt hlăm Quốc hội gưl 15 lehanăn bi ala Hội đồng nhân dân dŭm gưl wưng thŭn 2021 – 2026./.

                                                    Pô mblang: H’Nêč Êñuôl