VOV4.Êđê - Hruê 26/3, Klei bi kƀĭn tal 18 HĐND čar Lâm Đồng gưl 9 bi mklă leh Hdră mtrŭn duh bi liê rŭ mdŏng êlan êran pral Tân Phú (Đồng Nai) – Bảo Lộc (Lâm Đồng) hŏng ênoh duh bi liê wưng tal 1 mâo 16.408 êklai prăk. Hdră anei mâo boh taih truh 67km, hlăm anăn mâo 11km nao găn kdriêk Tân Phú ti čar Đồng Nai, 56 kma dôk găn dŭm kdriêk Dă Huai, Dă Teh, Bảo Lâm lehanăn ƀuôn prŏng Bảo Lộc mŏng čar Lâm Đồng. Ƀô̆ êlan prŏng 22m hŏng 4 grông êlan otô, 2 grông êlan pioh kơ êdeh mjưh mjêč. Hdră anei dưi kah mbha jing 2 wưng, hlăm anăn wưng 1 dưi hluê ngă mŏng thŭn 2021 truh kơ thŭn 2025. Ênoh duh bi liê wưng 1 truh 16.408 êklai prăk, hlăm anăn ênoh duh bi liê knŭk kna hlăm brô 6.500 êklai prăk, adôk jing iêu mtrŭt mŏng phung duh bi liê./.

H Nêč pô mblang