VOV4.Êđê - Hluê si klei hưn mơ̆ng dŭm alŭ wăl, kluôm ala maoa jih jang 69.198.594 čô nao mplĕ hră ruah pô bi ala Quốc hội gưl XV lehanăn bi ala HĐND dŭm gưl wưng thŭn 2021 – 2026 hlăm hruê 23/5 kơ anăp. Êpul hgŭm ruah khua ala čar mrâo anei mâo leh hră mtrŭn dưi brei dŭm krĭng mplĕ hră ti alŭ wăl dua čar Kon Tum lehanăn Dak Lak dưi mkŏ mjing hnưm hĭn mkă hŏng Hruê ruah khua jing hruê 23/5/2021 mâo leh Quốc hội bi mklă. Ti Kon Tum, Êpul hgŭm ruah khua ala čar tŭ ư brei dŭm krĭng mplĕ hră hlăm hruê 22/5 ti dŭm să Ngọc Linh, Mường Hoong, Đăk Man, Đăk Plô, Đăk Nhoong, Đăk Long hlăm kdriêk Đăk Glei lehanăn Kđông kahan răng mgang knông lăn să Đăk Xŭ mơ̆ng să Đăk Sŭ, kdriêk Ngọc Hồi, hnưm hĭn sa hruê mkă hŏng Hruê ruah khua kluôm ala. Ti Dak Lak, Êpul hgŭm ruah khua ala čar tŭ ư brei dŭm krĭng wăl mplĕ hră hnưm hĭn sa hruê hlăm êpul kahan djă phao ktuang ti kdriêk Êa Sup, kdriêk Ƀuôn Đon lehanăn ƀuôn prŏng Ƀuôn Ama Thuôt./.

H Nêč pô mblang