VOV4.Êđê- Lâm Đồng dôk mrô 23 hlăm anăn dăp PCI (mrô bi ktưn) thŭn 2020, khă gơ̆ hrŏ 1 hnơ̆ng mkă hŏng thŭn 2019 ƀiădah lŏ dơ̆ng dăp anăn hlăm êpul dŭm čar mâo klei dưi bi ktưn jăk leh anăn dôk mrô sa ti krĭng wăl Lăn Dap Kngư. Hŏng ênoh puăng PIC thŭn 2020 mâo 64,43 puăng, hrŏ 1,8 puăng mkă hŏng thŭn 2019, Lâm Đồng dôk mrô 23/ 63 čar, ƀuôn prŏng kluôm ala.

Hluê si Dương Quốc Anh, Khua Anôk bruă mđĭ kyar bruăb duh bi liê, mnia blei leh anăn hiu čhưn ênguê Lâm Đồng, hlăm dŭm thŭn êgao, Lâm Đồng amâo mdei gĭr ktưn ngă lu hdră msir čiăng mkra mđĭ ênoh mrô bi ktưn mơ̆ng čar. Bruă hưn mdah hnơ̆ng mâo mrô PCI lač leh kơ klei jăk, klei êdu kƀah, mơ̆ng anăn, ngă jăk bruă klam đru kčĕ mơ̆ng pô čiăng kơ bruă sang čư̆ êa alŭ wăl mkŏ mjing dŭm hdră msir djŏ guôp hŏng klei mâo kñăm ƀư̆ mkra leh anăn msir mgaih, đru mguôp mdĭ PCI mơ̆ng čar hlăm wưng kơ anăp.

Pô mblang: H’Zawut Ƀuôn Yă