VOV4.Êđê- Hruê bruê 16/4. Ti ƀuôn prŏng Ƀuôn Ma Thuột, čar Dak Lak, anôk bruă duh mkra bi mguôp lehanăn đĭ kyar krĭng ƀuôn sang mơ̆ng phŭn bruă lŏ hma lehanăn krĭng ƀuôn sang mkŏ mjing leh klei bi trông kơ dŭm bruă klam hlăm thŭn 2021 hlăm bruă duh mkra leh anăn đĭ kyar krĭng ƀuôn sang, hŏng lu hră êlan dưi bi êdah hlăm wưng mâo klei ruă tưp Covid-19 ka mâo klei êđăp ênang lehanăn dŭm hdră mtrŭm kơ bruă êngiê mnia blei ka dưi ba yua ôh. Hưn mdah hlăm klei kƀĭn anăn, Tĭng truh kơ jih mlan 3, kluôm ênŭm ala čar mâo giăm 17.600 êpul bi mguôp bruă lŏ hma hlăm să lehanăn 68 êpul bi mguôp bruă lŏ hma hŏng să mkăn. 83% êpul bi mguôp bruă lŏ hma mâo boh tŭ dưn, đĭ 50% mkă hŏng thŭn 2015.

Ênoh prăk kah knar ba wĭt hlăm dŭm êpul bi mguôp anei truh kơ 380 êklăk prăk/thŭn. Trần Thanh Nam, k’iăng khua phŭn bruă lŏ hma lehanăn krĭng ƀuôn sang mrâo mtrŭt mjhar kơ dŭm alŭ wăl sảwng lŏ bi lar bruă bi mguôp hlăm bruă duh mkra, mđĭ lar mnơ̆ng dhơ̆ng mơ̆ng bruă lŏ hma tui hluê hdră êlan lu bruă ngă, bruă mă djŏ hŏng bruă duh mkra mnia blei, bi mlih klei mkŏ mjing, čhĭ mnia lehanăn bi mđĭ klei bi mmiă mnơ̆ng dhơ̆ng.

Pô mblang: Y-Khem Niê