VOV4.Êđê - Aguah anei 27/3, Êpul bruă Đảng mkŏ mjing leh klei bi kƀĭn trông čiăng hyuă kjăp hdră mtrŭn mơ̆ng klei kƀĭn kluôm tal XIII mơ̆ng Đảng hŏng êlan trực tuyến tar ala čar, čiăng ksiêm duah, tui hriăm, hyuă kjăp, hâo hưn kơ hdră mtrŭn klei bi kƀĭn kluôm tal XIII mơ̆ng Đảng.

Klei kƀĭn trông dưi mkŏ mjing hlăm 2 hruê (27- 28/3) ti adŭ klei bi kƀĭn Diên Hồng, sang bruă Quốc Hội, ƀuôn prŏng phŭn Hà Nội lehanăn hlăm dŭm anôk ti dŭm anôk bruă Đảng čar, anôk bruă Đảng ti ƀuôn prŏng, anôk bruă Đảng Gưl Dlông, anôk kƀin hlăm dŭm phŭn, knơ̆ng, dhar bruă, dŭm anôk bruă mơ̆ng gưl dlông lehanăn dŭm gưl nah gŭ mâo ênŭm kdrăp kơ klei bi kƀĭn. Ti klei bi kƀĭn, dŭm čô khua êmua mơ̆ng phŭn bruă kđi čar srăng hâo mdah kơ dŭm bruă mâo: Hưn mdah bruă kđi čar mơ̆ng anôk bruă Đảng gưl dlông tal XII lehanăn klei bi kƀĭn kluôm tal XIII mơ̆ng Đảng; Hdră êlan mđĭ kyar bruă duh mkra- yang ƀuôn 10 thŭn 2021-2030 lehanăn hdră mđĭ kyar bruă duh mkra 5 thŭn 2021-2025, hưn mdah bruă bi mklin klei mkŏ mjing bruă Đảng lehanăn hlue ngă hdră bhiăn Đảng mơ̆ng anôk bruă Đảng gưl dlông ti klei bi kƀĭn kluôm tal XII mơ̆ng Đảng. Klei thâo săng lehanăn klei mĭn mrâo hlăm bruă lĭng kahan Việt Nam lehanăn klei êđăp ênang hlăm ala čar.

 Y Khem pô mblang